Salvador prezidenti Nayib Bukele yenidən prezident seçildiyini açıqlayıb

El Salvadorda prezident Nayib Bukele balkon çıxışı edərək, dünən keçirilən seçkilərdə qalib gəldiyini bildirib.

"Operativ Məlumat Mərkəzi-OMM" xəbər verir ki, Bukele bu barədə "X" hesabında paylaşım edib.

Həyat yoldaşı ilə Prezident Sarayının eyvanına çıxan Bukele çıxışında “Dünya tarixində demokratiyanın mövcud olduğu gündən bu yana eyni sayda səs toplayan başqa qalib partiya yoxdur",- deyə bildirib.

Bukele xalqının seçkilərdə tarix yazdığını, dünyanın ən güvənsiz ölkəsi olmaqdan qərb yarımkürəsinin ən təhlükəsiz ölkəsinə çevrildiyini qeyd edib.