100 il əvvəl Bakıda dildə, fikirdə və əməldə birlik şüarı altında Türk dünyasının intellektual dirçəlişinin əsası qoyulub.
"Operativ Məlumat Mərkəzi-OMM" xəbər verir ki, bu, Qırğızıstan Prezidenti Sadır Japarovun Birinci Türkoloji Qurultayın 100 illik yubileyinə həsr olunmuş "Türk Dünyası Həftəsi"nin iştirakçılarına ünvanladığı müraciətində qeyd olunub.
Sadır Japarov xatırladıb ki, mürəkkəb siyasi şəraitə baxmayaraq, Qurultayda Türk dilləri, terminologiya, orfoqrafiya, eləcə də ərəb qrafikasından latın əlifbasına keçid məsələləri ətrafında geniş müzakirələr aparılıb:
"Bu, şübhəsiz, qardaşlıq və onun daha da möhkəmləmdirilməsi baxımından tarixi əhəmiyyət daşıyırdı. Qurultayda qəbul edilmiş qərarlar Türk xalqlarının dünyaya inteqrasiyasına töhfə verib. Birinci Türkoloji Qurultayın irsi bu gün də aktuallığını qoruyur və türk xalqları arasında elmi, mədəni, humanitar və strateji əməkdaşlığın inkişafı üçün mühüm istiqamət rolunu oynayır".
