“Nə Rusiya, nə də Çin nüvə sınağı həyata keçirib”.
“Operativ Məlumat Mərkəzi-OMM” xəbər verir ki, bu sözləri Kremlin sözçüsü Dmitri Peskov deyib.
Rusiya, ABŞ və Ukrayna arasında böhranın həllinə dair İsveçrənin Cenevrə şəhərində keçirilən üçtərəfli görüşlərə toxunan Peskov bildirib ki, danışılan mövzuları açıqlamaq düzgün deyil:
"Danışıqların aralıq nəticələrini müzakirə etmək üçün tezdir. Rusiya Prezidenti Vladimir Putinə birbaşa məlumat verilir. Hazırda qiymətləndirmə aparmaq üçün tezdir”.
Peskov həmçinin Rusiya və Çinin nüvə sınağı keçirdiyi barədə iddialara yenidən münasibət bildirib.
“Nüvə sınaqlarının keçirildiyi ilə bağlı bəzi məlumatlar eşitdik. Bu kontekstdə həm Rusiyanın, həm də Çinin adı çəkilirdi. Nə Rusiya, nə də Çin nüvə sınağı həyata keçirib", - o qeyd edib.
