"Biz artıq Rusiya ilə müharibə vəziyyətindəyik”
"Avropa İttifaqı (Aİ) artıq Rusiya ilə müharibə aparır".
"Operativ Məlumat Mərkəzi-OMM" xəbər verir ki, bu sözləri Aİ-nin diplomatik xidmətinin rəhbər müavini Belen Martinez Karbonel deyib.
“Fakt budur ki, biz artıq Rusiya ilə müharibə vəziyyətindəyik”, - o vurğulayıb.
Bununla yanaşı, məmur qeyd edib ki, Avropa İttifaqı hələlik Avropa vətəndaşlarının səfərbər edilməsi və onların cəbhələrdə döyüşməsi ilə müşayiət olunan bir müharibəyə doğru getmir.
Daha əvvəl Rusiya prezidenti Vladimir Putin Moskvanın Avropaya hücum edə biləcəyi ilə bağlı iddiaları cəfəngiyat adlandırmışdı. O vurğulamışdı ki, Qərb siyasətçiləri mövcud vəziyyəti öz əlləri ilə yaradıblar və Rusiya ilə müharibəyə hazırlıqdan davamlı şəkildə danışmaqla gərginliyi artırmaqda davam edirlər.
