Rusiya Almaniya ilə hərbi-texniki əməkdaşlıq sazişindən çıxmaq niyyətindədir və bununla bağlı müvafiq ölkədaxili prosedurlar həyata keçirilir.
"Operativ Məlumat Mərkəzi-OMM" xəbər verir ki, bununla bağlı Rusiya KİV məlumat yayıb.
Bu barədə Rusiya Xarici İşlər Nazirliyinin bəyanatında deyilir :
"Rusiya Hökuməti ilə Almaniya Hökuməti arasında hərbi-texniki əməkdaşlıq haqqında 14 iyun 1996-cı il tarixli rəsmi qüvvədə olan Saziş indiki şəraitdə öz mənasını və praktiki əhəmiyyətini itirib. Bu, Rusiya-Almaniya dövlətlərarası münasibətlərinin hazırkı vəziyyətinə tamamilə uyğun gəlmir. Bütün bunları nəzərə alaraq, Rusiya tərəfi bu sazişdən çıxmaq niyyətindədir. Müvafiq dövlətdaxili prosedurlar həyata keçirilir".
