Afət Ziyadqızı
Rusiyanın ABŞ-dakı səfiri Anatoli Antonov TASS agentliyinə müsahibəsində Moskva ilə Vaşinqton arasında ikitərəfli münasibətlərin hazırkı vəziyyətini şərh edərkən bildirib ki, Vaşinqtonun getdikcə daha dağıdıcı addımlar atması səbəbindən Rusiya-ABŞ münasibətləri hazırda “uçurumun kənarındadır”.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Eyni zamanda o, Rusiyanın Amerika ilə əlaqələrini kəsmək istəmədiyini və bu münasibətlərin daha da pisləşməsinin qarşısını almaqda qərarlı olduğunu bəyan edib.
"Əlbəttə, biz Rusiya-ABŞ münasibətlərinin idarəolunmaz dalana dirənməsinin qarşısını almağa çalışacağıq. Biz hesab edirik ki, BMT Təhlükəsizlik Şurasının daimi üzvləri olan iki nüvə dövləti arasında münasibətlərin ləğvi Rusiya üçün heçnə etmir".
