OMM Redaksiyası
Kriştiano Ronaldu Portuqaliya millisinin baş məşqçisi Jorje Jezuşun mətbuat konfransında səsləndirməli olduğunu dediyi səkkiz bəndlik mətni yayıb. Futbolçu bildirib ki, sənəd əvvəlcədən onunla razılaşdırılıb və məşqçiyə təqdim olunub, lakin Jezuş konfransda həmin açıqlamanı oxumayıb.
Ronaldu paylaşımında qeyd edib ki, Jezuş bu mövsüm millidə çıxış planını özü təklif edib və futbolçu bunu qəbul edib. Onun sözlərinə görə, o, məşqçinin imkanlarını heç vaxt şübhə altına almayıb, nümunəvi və peşəkar davranıb. Norveçlə oyun əvvəlcə plana daxil edilməsə də, fiziki durumunun yaxşılaşdığını görən Jezuş onu meydana buraxa biləcəyini deyib, Ronaldu isə buna razılıq verib.
Mətnin ən diqqətçəkən bəndində məşqçinin səhv etdiyini etiraf etməli olduğu bildirilir: o, “Pele və ya Maradona səviyyəsində oyunçunu” isinməyə çıxarıb, sonra meydana buraxmayıb. Jezuşun bu halda fərqli qərar verəcəyi də qeyd olunub.
Digər bəndlərdə məşqçinin Ronaldunu millidə görmək istədiyi, futbolçunun Portuqaliya yığmasında 24 il ərzində müsbət təsir göstərdiyi və azarkeşlərlə bağlı narazılığın məyusluq anından qaynaqlandığı vurğulanır. Ronaldu sonda paylaşdığı qeydlərdə Jezuşun ondan üzr istəməli olduğunun yazılmadığını bildirib.
