Romano: “Liverpul” Skott və Kamaranı transfer etmək istəyir

“Liverpul” heyətinə iki yarımmüdafiəçi cəlb etməyi nəzərdən keçirir. Fabrizio Romanonun məlumatına görə, Mersisayd klubu “Bornmut”da çıxış edən Aleks Skott və “Monako”nun futbolçusu Lamin Kamara ilə maraqlanır.

İspaniyalı Andoni İraolanın təyinatından sonra Skott “Liverpul”un prioritet transfer hədəflərindən biri olub. İngiltərəli futbolçu daha əvvəl “Bornmut”da İraolanın rəhbərliyi altında oynayıb. 23 yaşlı yarımmüdafiəçinin transferi “Liverpul”a təxminən 100 milyon funt-sterlinqə başa gələ bilər. Skottla “Çelsi” də maraqlanır.

Mərkəz xəttini gücləndirmək üçün daha münasib variant Kamara ola bilər. Seneqallı futbolçu ötən yay “Çelsi”yə keçməyə yaxın olsa da, “Monako” danışıqların son mərhələsində transferə razılıq verməyib.

Transfermarkt portalının qiymətləndirməsinə əsasən, Skottun bazar dəyəri 70 milyon avro, Kamaranın isə 55 milyon avrodur.

“Liverpul” hazırda İngiltərə Premyer Liqasında beşinci yerdədir. Komanda lider “Mançester Siti”dən doqquz xal geri qalır.