Roma Papası Fransisk İranda baş verən partlayışda həlak olanlar üçün dua edib

Katolik dininin ruhani lideri Roma Papası Fransisk yanvarın 3-də İranda törədilən bombalı hücumlarda ölən və yaralananlar üçün dua edib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

“Kirmandakı terror aktında həyatını itirən çoxlu sayda qurbanın yaxınlarına, çoxlu yaralananlara və bu böyük ağrıdan əziyyət çəkən bütün İran xalqına yaxınlığımı bildirirəm", - deyə qeyd edib.

Xatırladaq ki, yanvarın 3-də İranda sui-qəsd nəticəsində 84 nəfərin ölümü, 250-dən çox adamın yaralanması ilə nəticələnən İran İnqilab Keşikçiləri Korpusunun komandanı Qasım Süleymaninin məzarı yaxınlığında iki bomba partladılıb.