Bakı və İrəvan başa düşməlidirlər ki, üçtərəfli bəyanatın bütün müddəalarına alternativ yoxdur.
"Operativ Məlumat Mərkəzi-OMM" xəbər verir ki, bu barədə Rusiya Prezidentinin sözçüsü Dmitri Peskov bildirib.
O qeyd edib ki, Rusiya Azərbaycan və Ermənistan arasında nizamlanmada vasitəçilik rolunu davam etdirir, lakin vəziyyət sadə deyil, əlavə səylər tələb olunur.
Peskov atəşkəs rejiminin pozulması hallarının və hər iki tərəfdən insan tələfatına səbəb olan müxtəlif insidentlərin sayının artdığını bildirib.
"Rusiya tərəfi Ermənistan və Azərbaycana həm siyasi səviyyədə, həm də Rusiya sülhməramlı komandanlığının iştirakı ilə bütün lazımi yardımı göstərməyə hazırdır".
