Kiyev Qərb ölkələrinin vəd etdiyi "Patriot" hava hücumundan müdafiə sistemlərini hələ də almayıb.
"Operativ Məlumat Mərkəzi-OMM" xəbər verir ki, bu barədə Ukraynanın xarici işlər naziri Dmitri Kuleba Brüsseldə Avropa İttifaqının Xarici İşlər Nazirlərinin rəhbərləri ilə görüşü başlamazdan əvvəl jurnalistlərə bildirib.
İyulun 10-da Vaşinqtonda keçirilən NATO sammitində ABŞ prezidenti Co Bayden ABŞ və müttəfiqlərinin "Patriot" və NASAMS daxil olmaqla, Ukraynaya əlavə strateji və taktiki hava hücumundan müdafiə sistemlərini təhvil verməyə başladığını açıqlayıb.
Onun sözlərinə görə ABŞ, Almaniya, Hollandiya, Rumıniya və İtaliya Ukraynaya əlavə beş strateji hava hücumundan müdafiə sistemi üçün avadanlıq verəcək.
