"Real" "Atalanta"nın yarımmüdafiəçisi Ederson üçün danışıqlara başlayıb. Hazırda Madrid 25 yaşlı braziliyalı üçün potensial müqavilənin şərtlərini bilmək istəyir.
"Operativ Məlumat Mərkəzi-OMM" “Transfer News Live” portalına istinadən xəbər verir ki, "Atalanta" Edersonun transferi üçün təxminən 50-60 milyon avro tələb edəcək.
Bununla belə, braziliyalı yarımmüdafiəçi “Atletiko Madrid”, “Mançester Yunayted” və “Mançester Siti” kimi klubların da radarındadır.
Eyni zamanda qeyd olunur ki, "Real"ın yarımmüdafiə xəttini gücləndirmək üçün B planı "Real Sosyedad"dan Martin Subimendidir.
