Afət Ziyadqızı
ABŞ hakimiyyəti Kuba İnqilabının liderlərindən biri olan general Raul Kastroya qarşı qətl və təyyarələrin məhv edilməsi ittihamı irəli sürüb.
“Operativ Məlumat Mərkəzi-OMM” xəbər verir ki, bu barədə Florida Federal Məhkəməsinin elektron məlumat bazasında yerləşdirilən sənədlərdə bildirilib.
Məlumata görə, ABŞ prokurorluğu 94 yaşlı Kastroya qarşı dörd qətl, iki təyyarənin məhv edilməsi və ABŞ vətəndaşlarının qətli ilə bağlı ittiham irəli sürüb.
"CBS News"un yaydığı məlumata əsasən, ittihamlar 1996-cı ildə Kuba Hərbi Hava Qüvvələrinin Mayamidə yerləşən kubalı immiqrantlar təşkilatı olan “Brothers to the Rescue”yə məxsus iki təyyarəni vurduğu hadisə ilə bağlıdır.
Bildirilir ki, Florida Baş Prokurorluğu 2026-cı ildə həmin iş üzrə istintaqı yenidən açıb.
