Milli Hidrometeorologiya Xidmətinin "Operativ Məlumat Mərkəzi-OMM"-ə verdiyi məlumata görə, mayın 25-də Bakıda və Abşeron yarımadasında hava şəraiti qeyri-sabit keçəcək. Belə ki, bəzi ərazilərdə fasilələrlə yağış yağacağı, ayrı-ayrı yerlərdə isə intensivləşərək şimşək çaxacağı ehtimal olunur. Səhər saatlarında cənub-şərq küləyi mülayim şimal-qərb küləyi ilə əvəzlənəcək.
Temperatur göstəriciləri:
- Bakı və Abşeron yarımadasında gecə 16-19°, gündüz 20-24° isti olacaq.
- Atmosfer təzyiqi 758 mm civə sütunu, nisbi rütubət isə 70-80 % təşkil edəcək.
Azərbaycanın rayonlarında da hava şəraitinin arabir yağıntılı olacağı proqnozlaşdırılır. Bəzi yerlərdə yağışın intensiv və güclü olacağı, şimşək çaxacağı, dolu düşəcəyi, yüksək dağlıq ərazilərdə isə qar yağacağı gözlənilir. Gecə və səhər saatlarında duman müşahidə ediləcək, mülayim qərb küləyi isə bəzi yerlərdə arabir güclənəcək.
Rayonlarda havanın temperaturu gecə 14-17°, gündüz 23-28° isti, dağlıq ərazilərdə isə gecə 5-10°, gündüz 13-18°, bəzi yerlərdə 20-23° isti olacağı gözlənilir.
