OMM Redaksiyası
Qvineyanın paytaxtı Konakri şəhərində gərginlik yaşanır.
"Operativ Məlumat Mərkəzi-OMM" xarici KİV-ə istinadən xəbər verir ki, şəhərin mərkəzi həbsxanası yaxınlığında intensiv atışma səsləri qeydə alınıb.
Hadisənin başvermə səbəbləri və xəsarət alanlar barədə hələlik rəsmi məlumat daxil olmayıb.
Şahidlərin bildirdiyinə görə, əraziyə əlavə təhlükəsizlik qüvvələri cəlb edilib.
Qeyd edək ki, bölgədə vəziyyət qeyri-sabit olaraq qalır və baş verən bu insident yerli əhali arasında ciddi narahatlığa səbəb olub. Hadisə ilə bağlı rəsmi qurumların açıqlama verəcəyi gözlənilir.
