Stokholm Beynəlxalq Sülh Araşdırmaları İnstitutu SIPRI-nin hesabatına görə, qlobal hərbi xərclərdə yeni rekord müəyyən edilib
"Operativ Məlumat Mərkəzi-OMM" xarici mediaya istinadən xəbər verir ki, artımın səbəbi kimi Rusiya-Ukrayna müharibəsi göstərilir.
Müharibədən ən çox təsirlənən Avropa ölkələrində hərbi xərclər son 30 ildə ən sürətli illik artımını göstərib.
Mərkəzi və Qərbi Avropa ölkələrinin xərcləri 345 milyard dollar təşkil edib.
2022-ci ildə Türkiyə 10 milyard 600 milyon dollarla dünyanın ən çox müdafiə xərclərinə sahib 23-cü ölkə olub.
Qlobal hərbi xərclər 2022-ci ildə 3,7 faiz artaraq 2 trilyon 240 milyard dollara çatıb.
