Qırğızıstanda güclü küləklə əlaqədar fövqəladə vəziyyət elan edilib

Qırğızıstanın şimal bölgələrinə təsir edən güclü külək nəticəsində 24 nəfər xəsarət alıb.

"Operativ Məlumat Mərkəzi-OMM" xəbər verir ki, paytaxt Bişkekdə fövqəladə vəziyyət elan edilib.

Qırğızıstanın Səhiyyə Nazirliyi 24 nəfərin yaralandığını açıqlasa da, Qırğızıstan Fövqəladə Hallar Nazirliyi 154 obyekt və binaların zərər gördüyünü açıqlayıb.

Güclü küləyin sürətinin saniyədə 28 metrə çatdığı açıqlanıb. Güclü külək nəticəsində çox sayda ağaclar aşıb, bəzi binaların dam örtüyü zədələnib. Bəzi ərazilərdə elektrik enerjisi kəsilib, ictimai nəqliyyatın fəaliyyəti dayandırılıb.