Qırğızıstan Prezidenti Sadır Japarov Qazaxıstana rəsmi səfər edəcək.

"Operativ Məlumat Mərkəzi-OMM" Qırğızıstan KİV-ə istinadən xəbər verir ki, bu barədə dövlət başçısı administrasiyasının xarici siyasət şöbəsinin müdiri Muratbek Azımbakiyev məlumat verib.

“Səfər 18-19 aprel tarixlərində baş tutacaq. Səfər zamanı dövlət başçısı Qazaxıstan Prezidenti Kasım-Jomart Tokayevlə ikitərəfli danışıqlar aparacaq. Tərəflər qarşılıqlı maraq doğuran bütün sahələrdə ikitərəfli əməkdaşlığın cari məsələlərini, həmçinin Qırğızıstan-Qazaxıstan münasibətlərinin inkişaf perspektivlərini müzakirə edəcəklər”, - o bildirib.

Səfər çərçivəsində S.Japarov Qırğızıstan və Qazaxıstan Ali Dövlətlərarası Şurasının altıncı iclasında iştirak edəcək.

Meksikada 5,1 maqnitudada zəlzələ baş verib.

"Operativ Məlumat Mərkəzi-OMM" TASS-a istinadən xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Bildirilib ki, yeraltı təkanların episentri təxminən 537 min nəfər əhalisi olan Tuxtla Qutyerres şəhərindən 64 kilometr cənubda yerləşib. Zəlzələnin ocağı 143 kilometr dərinlikdə olub.

İtki və dağıntılar barədə məlumat daxil olmayıb. Sunami təhlükəsi elan edilməyib.

ABŞ ordusu husilərin Qırmızı dənizdə ona məxsus “USS Philippine Sea” və “USS Laboon” gəmilərinə doğru buraxdığı pilotsuz uçuş aparatını (PUA) zərərsizləşdirib.

"Operativ Məlumat Mərkəzi-OMM" “Kommersant”a istinadən xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) “X” sosial şəbəkəsində məlumat yayıb.

Bildirilib ki, husilər həmçinin Malta bayrağı altında üzən Yunanıstanın “Cyclades” gəmisinə üç ballistik raket və üç PUA ilə hücum ediblər. Amma gəmi və ekipaj üzvləri xəsarət almayıb.

“TikTok” sosial şəbəkəsi Avropa İttifaqında bloklana bilər.

"Operativ Məlumat Mərkəzi-OMM" “Politico” nəşrinə istinadən xəbər verir ki, bunu Avropa Komissiyasının Prezidenti Ursula von der Leyen deyib.

“Bu, istisna deyil”- deyə, o bildirib. Von der Leyen xatırladıb ki, AK öz işçilərinə iş telefonlarına “TikTok” quraşdırmağı qadağan edən dünyada ilk təşkilat olub.

Keçən həftə “TikTok” istifadəçilərin mükafatlandırma proqramını dayandırıb. Bu addıma səbəb Avropa Komissiyasının növbəti xəbərdarlığı olub.

İtaliyanın baş naziri Giorgia Meloni iyunda keçiriləcək Avropa Parlamentinə (AP) seçkilərdə namizəd olacağını açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Peskarada ifrat sağçı İtaliya Qardaşları (FdI) partiyasının konqresinə qatılan Meloni, Avropa siyasətinin gələcəyinin formalaşacağı 6-9 iyun tarixlərində keçiriləcək AP seçkiləri ilə bağlı açıqlamalar verib.

Avropa siyasətində Avropa Mühafizəkarlar və İslahatçılar (ECR) qrupunun rəhbəri olan Meloni İtaliyada olduğu kimi Avropa Birliyində (AB) də solçuları müxalifətə göndərmək istədiklərini açıqlayıb.

İsrailin 7 oktyabr 2023-cü ildən bəri hücum etdiyi Qəzzada can itkisi 34 min 488-ə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada İsrail ordusunun Qəzza zolağına son 24 saatda həyata keçirdiyi hücumlarda daha 34 fələstinlinin həyatını itirdiyi, 68 fələstinlinin isə yaralandığı bildirilib. Bununla da yaralıların sayının 77 min 643-ə yüksəldiyi qeyd edilib.

Açıqlamada dağıntılar altında və yol kənarında hələ də ölənlərin olduğu, lakin İsrail əsgərlərinin maneəsi üzündən tibb qrupları və mülki müdafiə işçilərinin cəsədlərə çata bilmədiyi vurğulanıb.