Fələstinin eksklav ərazisi Qəzza zolağına havadan atılan humanitar yardım paketlərindən bir neçəsinin bağlı olduğu paraşüt açılmadığı üçün ağır yük insanların üstünə düşüb.
"Operativ Məlumat Mərkəzi-OMM"-in xəbərinə görə, hadisə nəticəsində 5 nəfərin öldüyü bildirilir.
Sözügedən paketlərin hansı ölkəyə məxsus olduğu hələlik məlum deyil.
Qeyd edək ki, havadan yardım kampaniyasında Amerika Birləşmiş Ştatları, İordaniya, Misir, Fransa, Niderland və Belçika iştirak edir.
Hadisəyə görə İordaniya rəsmiləri ittiham olunur. Qarşı tərəf ittihamları əsassız adlandırıb.
