İsrailin son 24 saatda Qəzza zolağına endirdiyi hava zərbələri və atəşlər nəticəsində 61 nəfər həlak olub, 220-dən çox insan yaralanıb.
"Operativ Məlumat Mərkəzi-OMM" xəbər verir ki, bu barədə Fələstin Səhiyyə Nazirliyi məlumat yayıb.
Nazirlik bildirir ki, çoxlu sayda insan hələ də dağıntılar altında qalıb, lakin davam edən atəş səbəbindən təcili yardım briqadaları ərazilərə çata bilmir.
Ümumilikdə, İsrailin 2023-cü ilin oktyabrında başladığı əməliyyatlardan bəri Qəzzada 65 mindən çox fələstinli həlak olub, 166 min nəfər yaralanıb. Bundan əlavə, aclıq və xroniki qidalanma çatışmazlığından 2,5 mindən çox insanın öldüyü bildirilir.
