İsrail ordusunun son 48 saatda Qəzzanın müxtəlif bölgələrində 6 "qırğın" həyata keçirdiyi və bu hücumlarda daha 120 fələstinlinin həyatını itirdiyi, 258 nəfərin yaralandığı açıqlanıb.
"Operativ Məlumat Mərkəzi-OMM" xəbər verir ki, bu barədə Qəzzada Fələstin Səhiyyə Nazirliyindən verilən açıqlamada bildirilib.
İsrailin 7 oktyabr 2023-cü ildən etibarən Qəzza zolağına təşkil etdiyi hücumlarda ölənlərin sayının 37 min 551-ə, yaralı sayının isə 85 min 911-ə yüksəldiyi açıqlanıb.
Açıqlamada dağıntılar altında və yol kənarında hələ də cəsədlərin olduğu, lakin İsrailin maneələri üzündən tibb qruplarının və mülki müdafiə işçilərinin cəsədlərə çata bilmədiyi də bildirilib.
