Qəzzada ölənlərin sayı 35 mini ötüb

İsrail ordusunun 7 oktyabr 2023-cü il tarixindən etibarən Qəzza zolağına qarşı hücumlarında 77 min ton partlayıcıdan istifadə edildiyi və 87 min evin tamamilə dağıdıldığı bildirilib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Qəzzada xəstəxanalara çatan ölü sayının 35 min 800, yaralı sayının isə 80 min 200 olduğu qeyd edilib. Açıqlamada, İsrail ordusunun Qəzza zolağına təşkil etdiyi hücumlarda 15 min 239 uşaq və 10 min 93 qadının həyatını itirdiyi, 10 min insanın dağıntılar altında qaldığı və ya itkin düşdüyü, xəstəxanalara çatdırılan ölənlərin sayının artdığı ifadə edilib.