Qəzzada ölənlərin sayı 33 634-ə yüksəlib

İsrailin 7 oktyabr 2023-cü ildən bəri hücum etdiyi Qəzzada can itkisi 33 634-ə yüksəlib.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada İsrail ordusunun Qəzza zolağına son 24 saatda həyata keçirdiyi hücumlarda daha 89 fələstinlinin həyatını itirdiyi, 120 fələstinlinin isə yaralandığı bildirilib.

Açıqlamada dağıntılar altında və yol kənarında hələ də ölənlərin olduğu bir daha vurğulanıb, lakin İsrail qüvvələrinin maneələri üzündən tibb qrupları və mülki müdafiə səlahiyyətliləri cəsədlərə çata bilməyib.