Qəzzada münaqişə böyüyə bilər və İsrailin müdafiə qüvvələri bununla bağlı müəyyən hazırlıqlar görür.
"Operativ Məlumat Mərkəzi-OMM" xəbər verir ki, bu fikirləri İsrail ordusunun üzvü, polkovnik-leytenant Peter Kolonel səsləndirib.
Müharibədə mülki şəxslərin ölümünü faciə adlandıran polkovnik-leytenant qeyd edib ki, artıq paradiqmanı dəyişmək vaxtıdır.
“HƏMAS İsrail xalqına qarşı ən dağıdıcı hücuma səbəb oldu. Fikrimizcə mülki şəxslər qorunmalıdır. Biz bunu nəzərə alaraq silahlı münaqişə qanunlarına uyğun şəkildə əməliyyatları davam etdiririk. Buna görə də mülkilərin Həmas-ın fəaliyyət göstərdiyi bölgələrdən təxliyə edilməsini xahiş edirik” – deyə Kolonel bildirib.
Qeyd edək ki, İsrail-HƏMAS müharibəsi terrorçuların İsrail ərazisinə hücum edərək 1200-dən çox şəxsi qətlə yetirməsi və 240 nəfəri girov götürməsindən sonra başlayıb.
İsrailin həyata keçirdiyi cavab əməliyyatları zamanı 21 mindən çox insan həlak olub.
Rəsmi Təl-Əviv girovların geri qaytarılacağına və HƏMAS-ın məhv ediləcəyinə söz verib.
