Qəzzada can itkisi 34 min 388-ə yüksəlib

İsrail ordusunun 204 gündür hücumlarını davam etdirdiyi Qəzza zolağında can itkisi son 24 saatda 32 nəfər artaraq 34 min 388-ə çatıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Daha 69 fələstinlinin isə yaralandığı bildirilib. Bununla da yaralıların sayının isə 77 min 437-yə yüksəldiyi qeyd edilib.

Açıqlamada dağıntılar altında və yol kənarında ölənlərin olduğu, lakin İsrail əsgərlərinin maneəsi üzündən tibb qrupları və mülki müdafiə səlahiyyətlilərinin cəsədlərə çata bilmədiyi də təkrarlanıb.