Amerika Birləşmiş Ştatları və Avropada 800-dən çox dövlət rəmisi İsrail-HƏMAS müharibəsi ilə bağlı xəbərdarlıq xarakterli birgə bəyanat imzalayıb.
"Operativ Məlumat Mərkəzi-OMM" xəbər verir ki, “Transatlantik bəyanat”da bildirilir ki, hökumətlərin İsrail-HƏMAS siyasəti beynəlxalq hüququn ağır şəkildə pozulmasına gətirib çıxaracaq və bu bu əsrin ən böyük insan fəlakəti ola bilər.
Bəyanatı imzalayanlar arasında amerikalı hökumət rəsmisi də var.
O, şikayət edib ki, müharibədən əvvəl heç kim regionu və onun dinamikasını yaxşı anlayan insanları dinləməyib.
“Biz hansısa hadisənin qarşısını almaq üçün uğursuz addımlar atmırıq, biz bu hadisələrin birbaşa iştirakçıyıq” – deyə o, vurğulayıb.
Bəyanatda qeyd olunur ki, İsrail Qəzzada müharibə zamanı sərhədsiz danranışlar sərgiləyib. Bu, on minlərlə mülki şəxsin ölümünə səbəb olub. Bundan başqa, minlərlə mülki şəxsin həyatını onlara gedən yardımı qəsdlə bloklayaraq riskə atıb.
