Qazaxıstanın Karaqanda vilayətində "Kazaxtanskaya" kömür mədənində yanğın baş verib.
"Operativ Məlumat Mərkəzi-OMM" xəbər verir ki, bu barədə Karaqanda Vilayət Administrasiyası məlumat yayıb.
Məlumata görə, yanğın yerli vaxtla təxminən saat 10:05-də başlayıb, şaxtada işləyən konveyer yanıb. Yanğın başlayan zaman ümumilikdə mədəndə 227 nəfər olub və hazırda onların xilas edilməsi üçün işlər görülür. 131 nəfər çıxarılıb, lakin hələ də 96 nəfər yerin altındadır.
