Qazaxıstan xilasediciləri daşqınlar fonunda bir neçə yaşayış məntəqəsindən 63 mindən çox sakini təxliyə ediblər.

"Operativ Məlumat Mərkəzi-OMM" xəbər verir ki, bu barədə Qazaxıstan Fövqəladə Hallar Nazirliyinin fövqəladə hallar idarəsinin rəisi Kaharman Orazalin brifinqdə məlumat verib.

“Təbii fəlakətlə əlaqədar 3400-ə yaxın ev su altında qalıb. Hazırda müvəqqəti yerləşdirmə mərkəzlərində 13 328 nəfər var. Xilasetmə əməliyyatlarına 8,7 mindən çox insan, 1,7 min texnika və 12 təyyarə cəlb olunub”,- Orazalin qeyd edib.

Bildirilib ki, daşqınlar səbəbindən ölkənin 10 rayonunda yerli fövqəladə vəziyyət elan edilib.

İran lideri Ayətullah Əli Xamenei Prezident İbrahim Rəisinin helikopterinin qəzaya uğraması xəbərindən sonra ölkənin Təhlükəsizlik Şurasının fövqəladə iclasını keçirib.

"Operativ Məlumat Mərkəzi-OMM" xəbər verir ki, bu barədə TASS "Tehran Times" qəzetinə istinadən məlumat yayıb.

Qeyd edək ki, mayın 19-da İran Prezidenti İbrahim Rəisini daşıyan helikopter sərt eniş edib. Helikopterdə dövlət başçısı ilə yanaşı Təbrizin cümə imamı Məhəmmədəli Ali Haşim, xarici işlər naziri Hüseyn Əmir-Abdullahiyan, Şərqi Azərbaycan valisi Malik Rəhməti və bir neçə başqa sərnişin də olub.

İnsident İranın Şərqi Azərbaycan vilayətindəki Varziqan şəhərində baş verib.

İran Prezidenti İbrahim Rəisinin olduğu helikopterin axtarışlarının ilk görüntüləri yayımlanıb.

"Operativ Məlumat Mərkəzi-OMM" xəbər verir ki, videonu İranın SNN telekanalına istinadən RT telekanalı paylaşıb.

Hazırda dövlət başçısının vəziyyəti ilə bağlı məlumatlar dəyişir. Hələlik rəsmi məlumat verilməyib.

Qeyd edək ki, mayın 19-da İran Prezidenti İbrahim Rəisini daşıyan helikopter sərt eniş edib. Helikopterdə dövlət başçısı ilə yanaşı Təbrizin cümə imamı Məhəmmədəli Ali Haşim, xarici işlər naziri Hüseyn Əmir-Abdullahiyan, Şərqi Azərbaycan valisi Malik Rəhməti və bir neçə başqa sərnişin də olub.

İnsident İranın Şərqi Azərbaycan vilayətindəki Varziqan şəhərində baş verib.

İran Prezidenti İbrahim Rəisini daşıyan helikopter sərt eniş edib.

"Operativ Məlumat Mərkəzi-OMM" xəbər verir ki, bu barədə IRNA məlumat yayıb.

Bu helikopterdə dövlət başçısı ilə yanaşı Təbrizin cümə imamı Məhəmmədəli Ali Haşim, xarici işlər naziri Hüseyn Əmir-Abdullahiyan, Şərqi Azərbaycan valisi Malik Rəhməti və bir neçə başqa sərnişin də olub.

Xilasedicilər hadisə yerinə yola düşüb. Ölkə liderinin vəziyyəti barədə məlumat verilməyib.

İnsident İranın Şərqi Azərbaycan vilayətindəki Varziqan şəhərində baş verib.

16:51 ***

İran Prezidenti İbrahim Rəisini daşıyan helikopter qəzaya uğrayıb.

"Operativ Məlumat Mərkəzi-OMM" xəbər verir ki, bu barədə “Tasnim” məlumat yayıb.

Bildirilib ki, qəza İranın Şərqi Azərbaycan vilayətində baş verib. Qeyd olunub ki, dövlət başçısının kolonunda ümumilikdə üç helikopter olub: onlardan ikisi təyinat nöqtəsinə çata bilib.

Vurğulanıb ki, “prezident helikopterində olanlardan bəziləri mərkəzlə əlaqə saxlamağa müvəffəq olub və beləliklə, bu hadisənin itkisiz yekunlaşacağına ümid artıb”.

Məlumata görə, sözügedən hava gəmisinin göyərtəsində ölkənin xarici işlər naziri Hüseyn Əmir-Abdullahian da olub.

Türkiyədə 2009-cu ildən fəaliyyətə başlayan yüksəksürətli qatarlardan (YHT) indiyədək 86 milyon 100 min sərnişin istifadə edib ki, bu da ölkənin ümumi əhali sayından çoxdur.

"Operativ Məlumat Mərkəzi-OMM" xəbər verir ki, bu barədə Türkiyənin nəqliyyat və infrastruktur naziri Abdulkadir Uraloğlu bildirib.

Bu qatarlardan gündəlik istifadə edən sərnişin sayının 34-40 min arasında dəyişdiyini qeyd edən nazir ölkənin dəmir yolu şəbəkəsinə qoyulan investisiyaların nə qədər əhəmiyyətli olduğuna diqqət çəkib. O bildirib ki, qeyd olunan nəqliyyat vasitəsi indiyədək 80 milyon 291 min kilometr məsafəni qət edib və bu rəqəm dünya ətrafında təxminən 2003 dəfə dövr etməyə bərabərdir.

Nazir deyib ki, Prezident Rəcəb Tayyib Ərdoğanın liderliyində qoyulan investisiyalar nəticəsində Türkiyə sürətli qatar şəbəkəsinə sahib ölkələr arasında Avropa üzrə altıncı, dünyada isə səkkizinci sıradadır. Hazırda ölkənin dəmir yolu şəbəkəsinin uzunluğu 13 min 919, sürətli qatar şəbəkəsinin uzunluğu isə 2 min 256 kilometrə çatıb. Türkiyənin “Nəqliyyat və Logistika Əsas Planı” hədəfinə uyğun olaraq, ölkədə dəmir yolu şəbəkəsinin 28 min kilometrə çatdırılması nəzərdə tutulur.

Qeyd edilib ki, İnkişaf Yolu Layihəsi, Zəngəzur Dəhlizi, Bakı-Tbilisi-Qars dəmir yolu xətti, Marmaray, eləcə də Yüksəksürətli Qatar və Yavuz Sultan Səlim körpüsünün üzərində inşa olunacaq dəmir yolu xətti kimi layihələr Türkiyənin relsli sistemlərlə bağlı gələcəyə baxışının ən gözəl nümunələridir.

Türkiyənin Van şəhərində, İranla sərhəddəki Başkelə rayonunda hərbi maşın aşıb.

"Operativ Məlumat Mərkəzi-OMM" xəbər verir ki, bu barədə “Haber Global” məlumat yayıb.

Hadisəyə səbəb sürücünün idarəetməni itirməsi olub.

Qəza nəticəsində 11 hərbçi yaralanıb.

Onlardan 6-sının durumunun ağır olduğu bildirilib.

Xəsarət alanlar xəstəxanaya yerləşdiriliblər.