Qazaxıstan hakimiyyəti Rusiya qazının Özbəkistana tranzitinə tələbatın artdığını qeyd edib.

"Operativ Məlumat Mərkəzi-OMM" xəbər verir ki, bu barədə Qazaxıstan Respublikasının energetika naziri Almassadam Satkaliyev jurnalistlərə bildirib.

Qazaxıstanın Rusiyadan Özbəkistana qaz tranzitini artırıb-artırmayacağı ilə bağlı suala o, belə cavab verib: "Bu, özbək həmkarlarımızın tələblərindən asılıdır. İndi onlar ilkin elan edilmiş planlardan bir qədər yuxarıdırlar. Ümumiyyətlə, biz qaz tranzitinə tələbatın artdığını görürük".

Qazaxıstanın Energetika Nazirliyi daha əvvəl bəyan etmişdi ki, Rusiya qazının Qazaxıstan ərazisi ilə Özbəkistana tranzitini 2023-cü ildə planlaşdırılan illik 3 milyard kubmetrdən 2026-cı ilə kimi ildə 11 milyard kubmetrə çatdırmağı planlaşdırır.

Bu gün paytaxtın Sabunçu və Səbail rayonlarında qaz təchizatında fasilə yaranacaq

"Operativ Məlumat Mərkəzi-OMM" bu barədə Azərbaycan Dövlət Neft Şirkətinin (SOCAR) “Azəriqaz” İstehsalat Birliyinə istinadən xəbər verir.

Bildirilib ki, “Nardaran QPS” ölçü qovşağından qidalanan “Hacı Seyfəl” orta təzyiqli qaz kəməri üzərində ölçü qovşağının təftiş olunması və aşkar olunmuş qaz sızmasının aradan qaldırılması, həmçinin Səbail rayonu, Badamdar qəsəbəsinin 3-cü yaşayış massivində yeni çəkilmiş qaz xəttinin mövcud şəbəkəyə qoşulması məqsədi ilə mayın 3-də saat 10:00-dan qaz təchizatı dayandırılacaq.

Qaz təchizatı dayandırılan müddətdə Sabunçu rayonu üzrə Maştağa qəsəbəsinin Nizami küçəsinin və Bağlar massivinin, Səbail rayonu üzrə isə Badamdar qəsəbəsinin 3-cü yaşayış massivinin qaz təchizatında müvəqqəti fasilə yaranacaq.

Qazaxıstan Rusiya neftinin Çinə nəqli ilə bağlı müqavilənin müddətini uzadıb.

"Operativ Məlumat Mərkəzi-OMM" xəbər verir ki, bu barədə respublika parlamenti qərar qəbul edib.

Rusiya neftinin Qazaxıstan ərazisindən ÇXR-ə nəqlinə dair 2013-cü ildə imzalanmış hökumətlərarası sazişin müddəti daha on il müddətinə, 2034-cü il yanvarın 1-dək uzadılıb.

Qeyd olunub ki, Qazaxıstan sazişdə göstərilən marşrutlar üzrə neft daşıma xidmətlərinə sıfır əlavə dəyər vergisi tətbiq edəcək. Rusiyada neft nəqlinin həcmi ildə 10 milyon ton müəyyən edilib.

Prezident İlham Əliyev Azərbaycan Hökuməti və “ACWA Power Azerbaijan Renewable Energy” MMC arasında “Dəyişikliklər edilmiş və yenidən tərtib olunmuş İnvestisiya müqaviləsi”nin təsdiq edib.

"Operativ Məlumat Mərkəzi-OMM" xəbər verir ki, dövlət başçısı bununla bağlı yeni sərəncam imzalayıb.

Bu gün Masallı rayonunun 6 kəndində enerji verilişində fasilə yaranacaq.

Bu barədə "Operativ Məlumat Mərkəzi-OMM" “Azərişıq” ASC-dən məlumat verilib.

Bildirilib ki, Cənub Regional Elektrik Təchizatı və Satışı İdarəsinin (RETSİ), Masallı Elektrik Şəbəkəsinin ərazisində yerləşən 110 /35/10 kV-luq "Masallı" yarımstansiyasından qidalanan 35kV-luq Əminli hava xətti təmir işləri ilə əlaqədar sifarişə əsasən açılacaq.

Bununla əlaqədar olaraq saat 14:00-dan saat 17:00-dək rayon ərazisinin bir sıra hissələrində, Seybətin, Xırmandalı, Əminli, Kürdxanlı, Dəlləkli, Qarğalıq kəndlərində enerji verilişində fasilə yaranacaq.

Azərbaycanın iqtisadiyyat naziri Mikayıl Cabbarov 25 aprel - Sahibkarlar Günü ilə bağlı iş adamlarını təbrik edib.

"Operativ Məlumat Mərkəzi-OMM" xəbər verir ki, bununla bağlı nazir "X" sosial şəbəkəsindəki hesabında paylaşım edib.

O bildirib ki, dövlət başçısı tərəfindən müəyyənləşdirilmiş iqtisadi siyasətdə dayanıqlı artımın təmin edilməsi, sahibkarlığın intensiv inkişafı prioritetlərdəndir.

“Bu əlamətdar gün münasibətilə iqtisadi hədəflərə nail olunmasına, işğaldan azad edilmiş ərazilərimizin iqtisadi dəyər zəncirinə reinteqrasiyasına, xalqımızın rifahının yüksəldilməsinə töhfə verən biznes təmsilçilərinə təşəkkürümüzü və təbriklərimizi çatdırır, işlərində uğurlar arzulayırıq, - deyə nazir qeyd edib.