Qazaxıstan ABŞ və Aİ-nin Rusiya, Çin və digər ölkələrə qarşı sanksiyalarını dəstəkləmir, lakin ölkənin maraqlarına cavab verdiyi üçün onlara əməl edəcək.
"Operativ Məlumat Mərkəzi-OMM" xəbər verir ki, bunu jurnalistlərə açıqlamasında baş nazirin müavini Serik Jumanqarin deyib.
O qeyd edib ki, bu sanksiyalar Qazaxıstana "çox təsir edib", çünki bir çox logistika və ticarət zəncirləri qırılıb.
“Biz koalisiyanın üzvü deyilik, bu sanksiya siyasətini birtərəfli şəkildə dəstəkləmirik, lakin iqtisadi baxımdan bizim üçün faydalı olduğu üçün ona əməl edəcəyik”, - deyə Jumanqarin bildirib.
Baş nazirin müavini vurğulayıb ki, Qazaxıstan iqtisadiyyatı kiçikdir, ona görə də ölkə sanksiyaların təzyiqinə tab gətirə bilməz.
