"Qarabağ"ın keçmiş məşqçisi İngiltərə klubu ilə anlaşdı

“Sauthempton”un müvəqqəti baş məşqçisi Ruben Selles cari mövsümün sonuna qədər komandanın başında olacaq.

"Operativ Məlumat Mərkəzi-OMM" xarici KİV-ə istinadən xəbər verir ki, 42 yaşlı mütəxəssisin işi və fikirləri klub rəhbərliyini razı salıb.

Premyer Liqa təmsilçisi fevralın 12-də 50 yaşlı Neytan Consla yollarını ayırıb.

Komanda müvəqqəti olaraq daha əvvəl Azərbaycanda da işləmiş ispaniyalı Ruben Sellesə tapşırılıb. 40 yaşlı Selles 2022-ci ildə də bir müddət Premyer Liqa təmsilçisinə rəhbərlik edib.

O, 2012-2014-cü illərdə “Neftçi”də, 2015-2017-ci illərdə isə “Qarabağ”da baş məşqçilərin köməkçisi vəzifəsini yerinə yetirib.