Rusiya prezidenti Vladimir Putin İranın seçilmiş prezidenti Məsud Pezeşkianla telefon danışığı aparıb.
"Operativ Məlumat Mərkəzi-OMM" xəbər verir ki, bu barədə Kremlin mətbuat xidməti məlumat yayıb.
Nəşr qeyd edir ki, Putin Pezeşkianı prezident seçkilərində qələbəsi münasibətilə təbrik edib və ona məsul hökumət postunda uğurlar arzulayıb.
"Hər iki tərəf Rusiya və İran arasında mehriban qonşuluq münasibətlərinin yüksək səviyyəsindən məmnunluq ifadə edib və müxtəlif sahələrdə qarşılıqlı faydalı əməkdaşlığın daha da inkişaf etdirilməsi üçün sıx əməkdaşlıq etməyə hazır olduqlarını təsdiqləyiblər", - deyə mətbuat xidmətindən bildirilib.
