Müdafiə Nazirliyindən verilən məlumata görə, 2026-cı ilin hazırlıq planına əsasən, Xüsusi Təyinatlı Qüvvələrin (XTQ) N hərbi hissəsində bir qrup hərbi vəzifəlinin iştirakı ilə növbəti təlim toplanışı baş tutub. Tədbir Səfərbərlik və Hərbi Xidmətə Çağırış üzrə Dövlət Xidməti ilə birgə əməkdaşlıq çərçivəsində reallaşdırılıb.
Toplanışın əsas məqsədi iştirakçıların hərbi biliklərinin təkmilləşdirilməsi, nəzəri hazırlıq səviyyəsinin yüksəldilməsi və praktiki vərdişlərinin inkişaf etdirilməsidir. Proqrama uyğun olaraq, hərbi vəzifəlilər aşağıdakı istiqamətlər üzrə məşğələlərə cəlb olunublar:
- Atəş hazırlığı;
- Taktiki hazırlıq;
- Sıra hazırlığı;
- Fiziki hazırlıq;
- İctimai-siyasi hazırlıq.
Bundan əlavə, təlimlər zamanı şəxsi heyət arasında vətənpərvərlik ruhunun gücləndirilməsi məqsədilə maarifləndirici söhbətlər aparılıb.
