12 aprel tarixində Bakıda və Abşeron yarımadasında gözlənilən hava şəraiti açıqlanıb; gün ərzində havanın əsasən yağmursuz keçəcəyi, lakin dəyişkən buludlu olacağı proqnozlaşdırılır.
Bu barədə rəsmi məlumatı “Operativ Məlumat Mərkəzi-OMM”-ə Milli Hidrometeorologiya Xidməti təqdim edib.
Məlumata görə, paytaxtda səhər və axşam saatlarında bəzi yerlərdə yağış yağacağı ehtimalı var. Gecə və səhər duman müşahidə ediləcək, şimal-qərb küləyi isə gündüz arabir güclənəcək. Havanın temperaturu gecə 8-10° isti, gündüz isə 12-15° isti olacaq. Atmosfer təzyiqi 762 mm civə sütunu, nisbi rütubət isə 65-75 % təşkil edəcək.
Azərbaycanın rayonlarında isə hava şəraitinin bəzi yerlərdə arabir yağıntılı olacağı gözlənilir. Ayrı-ayrı yerlərdə yağıntının intensivləşəcəyi, şimşək çaxacağı, dolu düşəcəyi, dağlıq ərazilərdə isə qar yağacağı ehtimal olunur. Bəzi yerlərdə arabir duman olacaq və qərb küləyi arabir güclənəcək.
Bölgələrdə havanın temperaturu gecə 6-10° isti, gündüz 13-17° isti olaraq qeydə alınacaq. Dağlıq ərazilərdə isə gecə 0-5° isti, gündüz 5-10° isti olacağı proqnozlaşdırılır.
