Əbu-Dabidə “Zayed İnsan Qardaşlığı Mükafatı”nın təqdimolunma mərasimi keçirilib, Prezident İlham Əliyevə mükafat təqdim olunub

Tədbirin rəsmi hissəsi başa çatıb. Mükafatlandırma mərasiminin sonunda iştirakçılar və ali qonaqlar xatirə şəkli çəkdiriblər.

Sonda birgə fotonun çəkilməsi ilə "Zayed İnsan Qardaşlığı Mükafatı"nın təqdimolunma mərasimi öz işini yekunlaşdırıb.

Çıxışlardan sonra əsas hissəyə keçilib. Birləşmiş Ərəb Əmirliklərinin Prezidenti Şeyx Məhəmməd bin Zayed Al Nəhyan səhnəyə dəvət olunub.

O, "Zayed İnsan Qardaşlığı Mükafatı"nı builki laureatlara təntənəli şəkildə təqdim edib.

Siyasətçilərin ardınca mükafatın digər laureatları və ictimai xadimlər söz alıb.

Əfqanıstanlı qadın hüquqları fəalı və tədqiqatçı, mükafat laureatı Zarqa Yaftalı çıxış edərək qadın hüquqlarının vacibliyini vurğulayıb.

Daha sonra “Taavon” Fələstin təşkilatı adından Nabil Qaddumi kürsüyə çıxıb.

Azərbaycan Prezidentinin ardınca Ermənistanın Baş naziri Nikol Paşinyan mərasim iştirakçılarına müraciət edib. Baş nazir öz çıxışında insan qardaşlığı və sülh mövzularına toxunub.

Mərasimin ən diqqətçəkən məqamlarından biri başlayıb. Azərbaycan Respublikasının Prezidenti İlham Əliyev kürsüyə dəvət olunub.

Dövlət başçısı tədbir iştirakçıları qarşısında geniş nitq söyləyib. Prezidentin çıxışı regionda sülh və birgəyaşayış mesajları ilə yadda qalıb.

Tədbirdə dünya liderlərinin laureatlara ünvanlanmış video-təbrikləri nümayiş etdirilir. Videomüraciətlər aşağıdakı liderləri əhatə edib:

Türkiyə Prezidenti Rəcəb Tayyib Ərdoğan və xanımı Əminə Ərdoğan;

Qazaxıstan Prezidenti Kasım-Jomart Tokayev;

Özbəkistan Prezidenti Şavkat Mirziyoyev;

İordaniya Kralı II Abdullah;

Pakistanın Baş naziri Məhəmməd Şahbaz Şərif;

Qırğız Respublikasının Prezidenti Sadır Japarov;

Livan Prezidenti Cosef Aun.

Tədbirin rəsmi açılış hissəsindən sonra ilk söz Müsəlman Ağsaqqalları Şurasının baş katibi Məhəmməd Əbdülsalama verilib. Baş katib çıxışında mükafatın əhəmiyyəti və bəşəri dəyərlər barədə danışıb.

Tədbir Birləşmiş Ərəb Əmirliklərinin Dövlət Himninin səsləndirilməsi ilə başlayıb.

Ardınca auditoriyaya “Zayed İnsan Qardaşlığı Mükafatı”nın tarixini və məramını əks etdirən xüsusi videoçarx nümayiş etdirilib.

Birləşmiş Ərəb Əmirliklərinin paytaxtı Əbu-Dabi şəhərində nüfuzlu “Zayed İnsan Qardaşlığı Mükafatı”nın təqdimolunma mərasimi start götürür.

"Operativ Məlumat Mərkəzi-OMM" xəbər verir ki, Azərbaycan Respublikasının Prezidenti İlham Əliyev tədbirdə iştirak edir. Zalın qonaqları arasında yüksək səviyyəli dövlət rəsmiləri və beynəlxalq təşkilatların nümayəndələri var.