Yanvarın 20-də Bakıda və Abşeron yarımadasında, eləcə də ölkənin əksər bölgələrində güclü küləkli hava şəraiti gözlənildiyindən sarı və narıncı xəbərdarlıq elan edilib.
Milli Hidrometeorologiya Xidmətindən "Operativ Məlumat Mərkəzi-OMM"-ə verilən məlumata görə, Neftçala və Xızı rayonlarında narıncı xəbərdarlığa uyğun olaraq şimal küləyi əsəcək.
Həmin ərazilərdə küləyin sürətinin 20,8–28,4 m/san-dək güclənəcəyi proqnozlaşdırılır.
Bakıda və Abşeron yarımadasında, həmçinin Balakən, Zaqatala, Qax, Şəki, Qazax, Ağstafa, Tovuz, Şəmkir, Gəncə, Naftalan, Samux, Goranboy, Qusar, Şabran, Xaçmaz, Quba, Siyəzən, Qobustan, Şamaxı, Salyan, Sabirabad, Saatlı, Şirvan, Hacıqabul, Mingəçevir, Tərtər, Yevlax, Bərdə, Kəlbəcər, Laçın, Füzuli, Zəngilan, Daşkəsən, Gədəbəy, Göygöl, Lənkəran, Masallı, Astara, Biləsuvar, Lerik, Yardımlı və Cəlilabad rayonlarında isə sarı xəbərdarlıq qüvvədə olacaq. Bu ərazilərdə şimal küləyinin sürətinin 13,9–20,7 m/san təşkil edəcəyi gözlənilir.
