Afət Ziyadqızı
Polşa Ukrayna Silahlı Qüvvələrinin əsgərlərinin hazırlanması üçün öz ərazisində Şimali Atlantika Alyansının ikinci təlim mərkəzini yaratmağı planlaşdırır.
"Operativ Məlumat Mərkəzi-OMM" xəbər verir ki, bu barədə Polşanın xarici işlər naziri Radoslav Sikorski bildirib.
“Mən və bütün NATO nümayəndə heyətimiz Bidqoşda Ukraynada Müharibə Təhlili və Ukraynalıların Təlim Mərkəzi adlanan ikinci NATO institutunun yaradılmasını xahiş edəcəyik”, - deyə o vurğulayıb.
İyunun sonunda ABŞ ordusunun bir qrup zirehli texnikasının Polşanın qərbindəki Amerika hərbi bazasında yeni NATO anbarlarına köçürüldüyü barədə məlumat yayılmışdı.
Nəşr bildirib ki, gələcəkdə Ukrayna sərhədindən 400 kilometr aralıda yerləşən təlim zonasında 85-ə qədər tank, 190 zirehli texnika, o cümlədən M2 Bradley, artilleriya silahları və özüyeriyən haubitsalar olacaq.
