"“Vaqner Qrupu” ilə bağlı ciddi insidentlər baş verərsə, Polşa, Litva və Latviya Belarusla sərhədlərini birgə bağlaya bilərlər".
"Operativ Məlumat Mərkəzi-OMM" xarici mediaya istinadən xəbər verir ki, bu barədə Polşanın daxili işlər naziri Mariuş Kaminski mətbuata açıqlamasında bildirib.
Sözügedən üç ölkə 2023-cü ilin əvvəlində Belarusiya ilə bəzi sərhəd qapılarını bağlayıb və ölkəyə qarşı tətbiq etdiyi sanksiyaları artırıb.
Belarus sərhədindən 8 kilometr aralıda yerləşən Polşanın Terespol şəhərinin sakinləri Rusiyanın “Vaqner Qrupu” muzdluları sərhədin o tayında, Belarusun Brest şəhərinə gəldikdən sonra müntəzəm olaraq atəş səsləri eşidib və hərbi helikopterləri görüblər.
