İran prezidenti Məsud Pezeşkian deyib ki, ABŞ diplomatiya əvəzinə sanksiya siyasətini seçsə, “onlar aclıqdan ölməyəcəklər” və ölkəsinin problemlərin öhdəsindən gəlmək üçün “yüzlərlə variantı” var.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
Ölkədəki əsl problemin “ədalət” və “ləyaqət” olduğunu qeyd edən Pezeşkian, “bu gün bəziləri Amerikanın bizimlə razılaşacağına təəccüblənirlər, amma əgər biz ölkədə razılaşsaq, ədalətə və insanların ləyaqətinə əsaslanaraq ixtisaslı insanların iş tapmasına imkan versək, heç kimə ehtiyacımız olmayacaq” deyib.
İran prezidenti ABŞ-la danışıqlar prosesinin uğursuzluğa düçar olması ehtimalına toxunaraq deyib: "Biz problemləri həll edə biləcəyimizə inanmalıyıq. Əgər onlar bizimlə danışıqlar aparmasalar və sanksiyalar tətbiq etməsələr, biz aclıqdan ölməyəcəyik. Yüzlərlə yol var və bu ölkənin sayılıb-seçilən vətəndaşları meydanda olub, çalışmalıdırlar".
