Avropa ölkələrindən ilk hərbi personal Qrenlandiyaya çatıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Vaşinqtonda Qrenlandiya danışıqlarının uğursuz başa çatmasından cəmi yeddi saat sonra Avropadan ilk hərbi personal gecə vaxtı Qrenlandiyaya çatıb.
Yanvarın 14-də Danimarka və Qrenlandiyanın xarici işlər nazirləri Ağ Evdə dövlət katibi Marko Rubio və vitse-prezident J.D. Vens ilə görüşüblər.
ABŞ-nin ada ilə bağlı mövqeyi dəyişməz olaraq qalıb. Bundan sonra bir neçə Avropa ölkəsi oraya hərbi personalın yerləşdirildiyini elan edib.
Fransa qoşunlarını daşıyan Danimarka Ordusunun Herkules təyyarəsi gecə Qrenlandiyanın paytaxtı Nuuka eniş edib. Başqa bir təyyarə Kangerlussuaqa eniş edib. İlk 13 alman əsgərinin yanvarın 15-də gəlməsi planlaşdırılır.
Əməliyyat NATO-dan deyil, Kopenhagendən əlaqələndirilir.
Bundan əlavə, Hollandiya, Kanada, İsveç, Böyük Britaniya və Norveçdən olan hərbçilər artıq Qrenlandiyaya yola düşürlər.
Daha əvvəl ABŞ prezidenti Donald Tramp Danimarkanın Qrenlandiyadan "çıxmasını" tələb etmişdi.
O, həmçinin NATO-nu Vaşinqtona adanı geri qaytarmaqda kömək etməyə çağırmışdı. Əks halda, Trampın sözlərinə görə, ada Rusiya və ya Çinin əlinə keçə bilər.
