ABŞ və İran arasında İslamabadda keçirilən sülh danışıqları nəticəsiz başa çatıb.
"Operativ Məlumat Mərkəzi-OMM" xarici KİV-ə istinadən xəbər verir ki, ABŞ-nin vitse-prezidenti JD Vens tərəflərin razılığa gələ bilmədiyini açıqlayıb.
Danışıqların əsas müzakirə mövzuları Hörmüz boğazı və nüvə siyasəti olub.
Prezident Donald Tramp "Fox News" kanalına verdiyi müsahibədə ABŞ-nin Hörmüz boğazını blokadaya alacağını və ərazini təmizləyəcəyini bildirib.
O, həmçinin NATO-nun bu əməliyyatlarda kömək etməyə hazır olduğunu vurğulayıb.
İran tərəfi isə təhdidlərə sərt cavab verəcəyini xəbərdar edib. İslam İnqilabı Keşikçiləri Korpusu Hörmüz boğazına daxil olan istənilən hərbi gəminin hədəf alınacağını bəyan edib.
İsrailin Maliyyə Nazirliyi İranla müharibənin təxminən 11.5 milyard dollara başa gəldiyini açıqlayıb.
"Reuters" agentliyinin məlumatına görə, Səudiyyə Ərəbistanı İraq səfirini çağıraraq dron təhdidləri ilə bağlı xəbərdarlıq edib.
