Pentaqon rəsmisi son 7 gündə İraq və Suriyada ABŞ və koalisiya qüvvələrinə edilən hücumların sayını açıqlayıb

Oktyabrın 17-dən bəri İraq və Suriyada ABŞ və koalisiya qüvvələrinə qarşı ümumilikdə 13 ayrı hücumun həyata keçirilib.

"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Pentaqon sözçüsü Patrik Rayder mətbuata açıqlamasında qeyd edib.

Rayder, 17-24 oktyabr tarixləri arasında İraqda ABŞ və koalisiya qüvvələrinə pilotsuz uçuş aparatları (PUA) və raketlərlə ən azı 10, Suriyada isə 3 ayrı hücumun həyata keçirildiyini bildirib.

Pentaqonun sözçüsü həmçinin, ABŞ regiondakı maraqlarını və şəxsi heyətini müdafiə etmək üçün özünümüdafiə hüququndan istifadə edərək hücumlara cavab verməyə hazır olduğunu qeyd edib.