Paytaxt ərazisində soyğunçuluq edən şəxs saxlanılıb

Paytaxtın Xəzər rayonu ərazisində soyğunçuluq hadisəsi baş verib.

Daxili İşlər Nazirliyindən (DİN) "Operativ Məlumat Mərkəzi-OMM"-ə bildirilib ki, naməlum şəxs zərərçəkənə zor tətbiq edərək əlindəki mobil telefonu alıb və hadisə yerindən uzaqlaşıb.

Polis əməkdaşlarının həyata keçirdikləri tədbirlərlə əməli törətməkdə şübhəli bilinən 47 yaşlı V.Əliyev müəyyən edilərək saxlanılıb.

Faktla bağlı araşdırmalar davam etdirilir.