Ermənistanın baş naziri Nikol Paşinyan Münxendə ABŞ dövlət katibi Antoni Blinkenlə Ermənistan-Azərbaycan münaqişəsini və İran və Vaşinqton arasında əməkdaşlığın inkişafını müzakirə edib.
"Operativ Məlumat Mərkəzi-OMM" xəbər verir ki, bu barədə Ermənistan baş nazirinin saytındakı press-relizdə məlumat verilib.
Paşinyan bildirib ki, hazırda Ermənistanla Azərbaycan arasında gərginliyin yeni mərhələsi var.
"Son zamanlar gərginlikdə yeni artım var ki, bu da böyük itkilərə səbəb olub. Mən də bu vəziyyəti sizinlə müzakirə etmək istərdim".
Amerika dövlət katibi Ermənistanı “ABŞ üçün dəyərli tərəfdaş” adlandırıb. Blinken bildirib ki, Vaşinqton İrəvanın davamlı sülhə sadiqliyini yüksək qiymətləndirir.
Məlumat verilib ki, həmsöhbətlər Ermənistan-ABŞ münasibətləri ilə bağlı məsələləri müzakirə ediblər və ölkələr arasında strateji dialoqun ardıcıl inkişaf etdirilməsinin vacibliyini vurğulayıblar.
“Nikol Paşinyan Cənubi Qafqaz regionunda sülh və sabitliyin əldə edilməsi istiqamətində danışıqlar prosesini və dialoqu dəstəkləmək üçün Blinkenin şəxsi səylərini yüksək qiymətləndirib”, - deyə press-relizdə qeyd olunub.
