Pakistanda yağış və daşqın bir sıra itki və fəsadlar törədib.
"Operativ Məlumat Mərkəzi-OMM" xarici KİV-ə istinadən xəbər verir ki, son 48 saat ərzində Pakistanın Xayber-Paxtunxva əyalətində yağan güclü musson yağışları və daşqınlar, həmçinin torpaq sürüşmələri nəticəsində 40-a yaxın adam həlak olub, 15-dən çox insan müxtəlif dərəcədə xəsarət alıb.
Xayber-Paxtunxva əyalətində evlər dağılıb və ya ciddi zədələnib, körpülər yararsız hala düşüb.
Güclü yağış və daşqınlar Pəncab əyalətinin mərkəzi Lahor şəhərində də ciddi fəsadlar törədib, həyatı iflic vəziyyətinə salıb.
Sinoptiklərin yaydığı məlumata görə, Lahor şəhərində son 44 ilin ən güclü yağışları düşüb.
Pakistanın Meteorologiya Departamenti avqustun 2-dən 6-dək ölkə ərazisində daha güclü sel və daşqınların olacağı haqqında əhalini xəbərdar edib.
