2024-cü ildə keçirilən bütün imtahanlar üzrə markerlərə 1 milyon manatdan çox əməkhaqqı ödənilib.
"Operativ Məlumat Mərkəzi-OMM" xəbər verir ki, bunu Dövlət İmtahan Mərkəzinin Bacarıqların, vərdişlərin qiymətləndirilməsi və markerlərlə iş şöbəsinin müdiri Aydın Qasımov Dövlət İmtahan Mərkəzinin elektron imtahanlar korpusuna “İmtahanlarda istifadə olunan yazılı cavab tələb edən tapşırıqların qiymətləndirilməsi texnologiyası” ilə tanış olmaq üçün təşkil edilmiş mediaturda deyib.
Şöbə müdiri ötən il bütün imtahanlar üzrə markerlərin ümumilikdə 7,5 milyondan çox qiymətləndirmə həyata keçirdiklərini qeyd edib.
