OpenAI süni intellekt texnologiyasını kino sənayesinə daşıyacaq yeni bir layihəyə hazırlaşır.
"Operativ Məlumat Mərkəzi-OMM" xəbər verir ki, bununl abağlı xarici KİV məlumat yayıb.
Bildirilib ki, şirkət DALL-E adlı video istehsalı platformasından istifadə edərək tamamilə süni intellektlə hazırlanacaq animasiya filmi üzərində işləyir.
“Critterz” adlanan bu film OpenAI-nin yaradıcılıq direktoru Chad Nelsonun rəhbərliyi ilə həyata keçiriləcək.
Personaj dizaynı və hekayəsi üç il əvvəl hazırlanmış bu layihə 2026-cı il Kann Film Festivalında tamaşaçılara təqdim olunmağı hədəfləyir.
Nelson və komandası personajların ilk eskizlərini OpenAI-nin alətlərinə yükləyərək bütün animasiyanı süni intellektin köməyi ilə yaradacaq.
Film təxminən 30 milyon dollarlıq aşağı büdcə ilə və cəmi doqquz ay ərzində tamamlanmağı planlaşdırır.
Səsləndirmələrdə isə insan aktyorlar iştirak edəcək.
