Oman sahillərində çevrilən "Falcon Prestige" tankerinin itkin düşmüş 16 ekipaj üzvündən ən azı doqquzu xilas edilib.
"Operativ Məlumat Mərkəzi-OMM" xəbər verir ki, bu barədə NDTV telekanalı məlumat yayıb.
Xilas edilən 9 nəfərdən səkkizi Hindistan, biri Şri - Lanka vətəndaşıdır.
Hindistan Səfirliyi Oman səlahiyyətliləri ilə daim təmasda olduğunu və axtarış və xilasetmə əməliyyatının Oman Dəniz Təhlükəsizliyi Mərkəzi tərəfindən koordinasiya edildiyini bildirib.
Hindistan Donanması da bölgədə axtarış və xilasetmə əməliyyatı həyata keçirir.
