Afət Ziyadqızı
Rusiya ilə həmsərhəd olan Norveçin Finmark bölgəsində keçirilən hərbi təlimlər zamanı itkin düşən çağırışçılar tapılıb.
"Operativ Məlumat Mərkəzi-OMM" xəbər verir ki, bu barədə TV2 məlumat yayıb.
Məlumata görə, oktyabrın 3-ü ikinci dəstənin bir neçə əsgəri magistral yoldakı nəzarət-buraxılış məntəqəsinə çatıb. Digər çağırışçılar isə daha sonra Finlandiya-Norveç sərhədinə yaxın əraziyə yetişərək əlaqə saxlayıblar.
Norveç Silahlı Qüvvələrinin nümayəndələri əsgərləri götürmək üçün dərhal yola çıxıblar.
"Bütün əsgərlər səhər saatlarında sağ və xəsarətsiz şəkildə tapılıb", – TV2 qeyd edib.
