Şimali Koreya çərşənbə axşamı Sarı dəniz istiqamətinə bir neçə qısa mənzilli ballistik raket atıb. "Operativ Məlumat Mərkəzi-OMM"-in Cənubi Koreyanın Birləşmiş Qərargah Rəislərinə istinadən yaydığı məlumata görə, raketlər Şimali Pxenyan əyalətinin Çonqju şəhəri ərazisindən buraxılıb.
Cənubi Koreya ordusunun qiymətləndirməsinə əsasən, sözügedən raketlərin uçuş məsafəsi 300 kilometrdən çox deyil. Xatırladaq ki, aprelin 19-da da Şimali Koreyanın Sinpo şəhəri istiqamətindən Yapon dənizinə doğru bir neçə qısa mənzilli ballistik raketin atıldığı qeydə alınmışdı.
Rəsmi Seul bölgədəki vəziyyəti yaxından izlədiyini və hərbi hazırlıq səviyyəsini artırdığını bəyan edib.
